Бонучи блиску до “Олд Трафорд”


Ќе игра ли Елмас против Баерн Минхен!? ↓↓↓


Италијанскиот дефанзивец, Леонардо Бонучи, е блиску до преминување во редовите на Манчестер Јунајтед.
Менаџерот на “Црвените ѓаволи”, Жозе Мурињо, е голем фан на играта на 29 годишниот фудбалер на Јувентус и сака да го види во својот тим.

Наводно, Јунајтед после Европското првенство ќе испрати понуда до италијанскиот клуб, а таа би требало да изнесува 25 милиони евра.

Интерес за Бонучи покажа и Челси кој од наредната сезона ќе биде предводен од поранешниот тренер на “Бјанконерите”, Антонио Конте.

Бонучи е член на Јувентус од 2010 година. Пристигна од Бари, а во претходните години се израсна во еден од најдобрите дефанзивци во Европа.

Минатата сезона одигра 49 натпревари за Јувентус во сите натпреварувања и постигна три погодоци.