Според медиумите во Британија, Лестер понудил 23.2 милиони фунти за играшот на Сантос, Габриел Барбоса, познат во фудбалскиот свет како „Габигол„
Барбоса веќе долго време е на мета на Интер и Јувентус а и самиот изјави дека повеќе би сакал кариерата да ја продолжи во Торино.
Сега и Лестер загризува за Барбоса, Лестер прави тим и се спрема за Премиер Лигата која започнува викендов како и за првата сезона во Лигата на Шампиони за Лестер.
Габигол би бил одлично засилување за тимот на Раниери.
Тој од почетокот на кариерата е во Сантос, а многу му го даваат и надимакот „новиот Нејмар„. За Сантос одигра 152 натпревари и постигна 56 голови.
Одигра и четири натпревари за националниот тим, а на два пати беше и запишан во листата на стрелци. Моментално е со својот Бразил на ОИ во Рио.
