Тренерот на Рома, Пауло Фонсека можеше да биде многу задоволен после вчерашната победа на неговиот тим против Басаксехир во рамките на Лига Европа.
Римјаните славеа со резултат од убедливи 4:0, а еден од головите го постигна и капитенот на босанската репрезентација Един Џеко.
Џеко продолжи со неверојатните натпревари во оваа сезона, а тренерот Фонсека вели дека неговиот стил на игра е идеален за напаѓачи како што е тој.
„Разговарав со Џеко за време на припремните натпревари и му дадов до знаење дека овој стил на игра е идеален за него“, порача Фонсека после натпреварот.
Тој исто така се наврати на одличната форма на својот тим велејќи дека него и на неговиот тим многу им бил важен натпреварот против Лацио во 2. Коло од Серијата А.
„Натпреварот против Лацио е многу важен за нас, би ни помогнал да сфатиме што правиме погрешно, а на тој натпревар направивме многу грешки. Разговаравме после натпреварот и им реков на играчите дека мораат да бидат повеќе агресивни, да држат контрола над топката и мојот тим тоа го научи“, изјави младиот стручњак.
Рома е во низа од две победи бидејќи пред Басаксехир го порази Сасуоло на домашен терен со резултат од 4:2. Во наредниот натпревар за викенд гостуваат кај Болоља.
