Шанса да станеш YouTuber! Приклучи се! ↓↓↓
Манчестер Сити е пред финалето на Лига купот, но Пеп Гвардиола не е премногу заинтересиран за натпреварувањето.
Сити го совлада Манчестер Јунајтед со 3:0 во првиот натпревар од полуфиналето на Лига купот пред десетина дена, а реваншот ги чека за седум дена на „Етихад“.
Вечерва Манчестер Сити го игра 24-то коло од Премиер лигата против Шефилд Јунајтед и продолжува густиот распоред за нив. Гвардиола го коментираше сето ова и рече дека во Англија клубовите едноставно играат премногу натпревари.
Гвардиола искрено кажува дека треба да се укине Лига купот, бидејќи нема никаква логика да се игра ФА Купот и Лига Купот. Но, малку е веројатно дека некој ќе го следи она што го бара шпанскиот стручњак.
“Укинете го тоа натпреварување. Тоа значи дека ќе има помалку натпревари, помалку натпреварувања, помалку екипи, поголем квалитет и помалку квантитет. Луѓето можат да живеат малку без фудбал. Ја започнувате сезоната со еден натпревар со еден меч неделно, а наеднаш доаѓа темпото на два или три натпревари за седум дена и трае премногу. Играчите не можат да издржат толку многу. Најдобро би било да не се игра Лига купот повеќе “, рече Гвардиола.
