Пред дербито, падна најважниот потпис во Манчестер Сити! ↓↓↓
Индија размислува да се кандидира за организација на Летните олимписки игри во 2032. година, потврди претседателот на Олимпискиот комитет на Индија за германската новинска агенција ДПА.
” Сигурно сме заинтересирани. Работиме напорно и веќе го изразивме својот интерес “, рече Нариндер Батра, претседател на индискиот олимписки комитет.
Според неговите зборови, друга опција е да се обидат да бидат домаќини на Младинските олимписки игри во 2026. година. Сепак, пред да аплицираат, кризата поради коронавирусот ќе мора прво да се смири.
„Ние прво треба да го победиме коронавирусот. Ние допрва треба да се сретнеме со државните власти и да добиеме дозвола од владата. Откако ќе имаме соодветни дозволи, ќе започнеме повторно да работиме во таа насока“, рече Батра.
Овогодинешните ОИ, треба да се одржи во Токио следната година, беа одложени за следната година поради пандемијата на коронавирусот. Летните олимписки игри во 2024. година ќе ги организира Париз, а во 2028. година најдобрите спортисти ќе се соберат во Лос Анџелес. Германија и Австралија сè уште размислуваат за организирање на Игрите во 2032. година. Индија досега двапати организираше Азиски игри (1951, 1982) и еднаш игри на Комонвелт (2010). Сите три настани се одржаа во главниот град Њу Делхи. Во Мумбаи Меѓународниот олимписки комитет ќе се состане во 2023. година.
