Шанса да станеш YouTuber! Приклучи се! ↓↓↓
Најголемата светска ММА промоција на УФЦ прави се што може за да организира реванш меѓу Кабиб Нурмагомедов и Конор МекГрегор.
Оваа идеја многу му се допаѓа на првиот човек на УФЦ, Дана Вајт, кој новата борба ја опиша како „најголема na сите времиња“, а богати луѓе на Саудиска Арабија, наводно, бараат да му платат на Кабиб дури 100 милиони долари за борба против Конор.
Сумата беше спомената на таткото на Кабиб, Абдулманап Нурмагомедов, но Кабиб вчера рече дека нема шанси да се согласи со оваа понуда, дури и ако се 100 милиони на маса.
„Зошто ќе ми требаат тие пари? Ако УФЦ не знае што да прави со парите, нека ги даде на други организации и други спортови, има многу. Да ми дадете 100 милиони долари за да го победам овој идиот повторно, во никој случај не е разумно“, рече Кабиб.
Орелот сега е целосно фокусиран на мечот против Тони Фергусон во кој ќе ја брани титулата со лесна категорија.
“Јас тренирам ден и ноќ и сум во добра форма, во таква каква што сум навикнат. Се чувствувам одлично. Јас сум изненаден што дури ме прашуваат за реваншот со Конор затоа што го направив она што го сакав во првата борба и тој се откажа. Како тогаш да зборувам за реваншот? Сега сум само фокусиран на Тони “, рече Кабиб.
Дагестанецот е непоразен во неговата кариера досега и ќе видиме дали така ќе остане и по 18 април.
