Денеска од 16 часот се играат седум дуели од 1/16 финалето на Купот на Македонија. На програмата се: БВК Коњаре – Башкими, Детонит Плачковица – Шкендија Арачиново, Кожув – Скопје, Новаци – Охрид, Осогово – Беласица, Саса – Шкупи и Тетекс – Брегалница Штип.
Веќе обезбедено место во осминафиналето имаат Вардар, Струга ТЛ, Пелистер, Македонија ЃП и Брера Струмица. Бранителот на трофејот Силекс има слободен премин во наредната рунда.
Тетовска Шкендија оваа сезона не е во купот. Натпреварите се играат во еден меч, а ако по 90 минути резултатот е нерешен, победникот се решава со пенали.
Овие седум дуели треба да ја комплетираат сликата пред осминафиналето и да ги одредат соперниците во натамошниот тек на конкуренцијата.
