Анде Јанков - македонски автор: Тајните на пишување добар крими роман!? ↓↓↓
Српскиот напаѓач Лука Јовиќ се најде во големи проблеми по потпишувањето за Реал Мадрид.
Јовиќ се приклучи на редовите на кралскиот клуб минатото лето како еден од најдобрите млади напаѓачи во Европа. Мадрид плати дури 60 милиони евра на Франкфурт, а тој постигна само два гола во целата сезона.
Проблемите продолжија оваа пролет кога тој претрпе повреда што го спречи да тренира околу три месеци. Само што се врати на теренот во неделата, доживеа уште една несреќа. Бидејќи се дружеше со еден пријател, кој, подоцна ќе испадне дека е позитивем на коронавирусот, Јовиќ мора да премине во изолација.
Иако беше негативен на тестот, на Јовиќ не му е дозволено да тренира со тимот се додека не добие уште еден негативен тест.
Веста, наводно, ја прелила чашата на управата на Реал. Поради тоа Марка му ја посвети насловната страна со не многу убав наслов.
„Јовиќ на продажба“, се наведува со неговата фотографија преку целата страница на едно од најчитаните шпански списанија.
Овој весник посочува дека е крајно време напаѓачот, кој постигнува гол на секои 770 минути, да го напушти Реал Мадрид.
Да потсетиме дека порано се шпекулираше дека некои екипи од Англија и Италија се заинтересирани за неговите услуги, а во преден план беа Наполи, Милан и Арсенал. Ќе видиме дали ќе заврши во една од тие дестинации.
