Манчестер Сити значително подруго ќе изгледа во следната сезона под командната палка на Пеп Гвардиола.
Шпанецот сака да направи моќен тим, конкурентен на сите фронтови.
Голема желба е одличниот дефанзивец на Јувентус Леонардо Бонучи, за кој Граѓаните се спремни да издвојат и преку 50 милиони евра.
Меѓутоа, англиските медиуми утрово јавија дека во трката за репрезентативецот на Италија се вклучи и нивниот градски ривал, Јунајтед.
Очигледно Жозе Мурињо се одлучи да ги расипе плановите на Пеп, и да им го украде одличниот фудбалер.
На Олд Трафорд веќе стигнаа Бејли, Михтаријан, Ибрахимовиќ, а и Погба е на чекор од доаѓање.
Со Бонучи овој тим би бил можеби и главен фаворит за титулата.
