Никогаш не мислев дека ќе зборам за мојата состојба на поткаст! ↓↓↓
Францускиот фудбал наскоро би можел да добие нова динамика со потенцијалното издигнување на Paris FC како силен ривал на доминантниот ПСЖ. Овој досега помал и симпатичен клуб од главниот град доби нов сопственик – Антоан Арно, син на еден од најбогатите луѓе во светот, Бернард Арно.
Антоан Арно неодамна го купи клубот со амбиција да го трансформира од клуб од пониските лиги во сериозен конкурент на домашната и меѓународната сцена. Paris FC моментално се наоѓа на второто место во втората француска лига и има амбиции веќе оваа сезона да обезбеди пласман во Лига 1. Зимскиот преоден рок ќе биде клучен, со оглед на тоа што се планираат значителни вложувања во засилувања кои ќе го поткрепат тимот за остварување на овој амбициозен план.
Според извори од француските медиуми, Paris FC засега не планира директно да ја предизвика доминацијата на ПСЖ во првите неколку сезони. Ова делумно се должи на блиските односи меѓу раководствата на двата клуба. Сепак, долгорочната визија е значително поагресивна – создавање тим кој ќе стане не само конкурент на ПСЖ, туку и водечки европски гигант, кој ќе има цел „да ја прекине ерата на ПСЖ во францускиот фудбал“.
=
