Шанса да станеш YouTuber! Приклучи се! ↓↓↓
Една од причините за лошата форма во 2020 година Рома може да ја бараат во голем број повредени играчи.
Нов играч на повредената листа е Лоренцо Пелегрини. Играчот од средниот ред беше заменет во финишот од првиот дел од натпреварот против Лече, поради проблем со мускулот на левата нога.
Италијанскиот репрезентативец вчера направи лекарски преглед и го напушти тренинг-кампот Тригори, што значи дека болката не е целосно исчезната.
Пелегрини ќе направи магнетна резонанца денес и се очекува да паузира помеѓу еден месец и 40 дена. Тој сигурно ќе ги пропушти средбите против Гент и Каљари.
Претходно, во Рома се повредени голманот Антонио Миранте, дефанзивците Давид Запакоста и средните играчи Амаду Дијавара, Николо Заниоло и Хавиер Пасторе.
