ТЈ како "Дедо Мраз": Кој сака да освои 50.000 € ↓↓↓
Ден пред натпреварот помеѓу Селтик и Динамо во Лигата на шампионите (кој заврши нерешено 1:1), како и на самиот ден на натпреварот, бројни навивачи на шкотскиот клуб пријавија напади, грабежи и физички повреди од страна на локални хулигани во Загреб. Инцидентите предизвикаа големо внимание во шкотските медиуми, кои детално ги пренесоа случувањата. Меѓу нив, „Glasgow Live“ објави известување под наслов: „Навивач на Селтик прободен, а друг нападнат и понижен“, повикувајќи се на извештај од загрепската полиција.
Според полициските податоци, многу млади лица биле приведени во врска со нападите врз шкотските навивачи, кои главно се случиле на улиците „Опатовина“ и „Гајева“.
Во еден од најтешките инциденти, шест лица се приведени поради напад врз 38-годишен британски државјанин. Според извештаите, групата го нападнала мажот откако тој излегол од ресторан, барајќи му пари и мобилен телефон. Во текот на нападот, тој бил сериозно повреден, а инцидентот дополнително го загрижи семејството на жртвата и шкотската јавност.
