Шанса да станеш YouTuber! Приклучи се! ↓↓↓
Селекторот на репрезентацијата на Англија, Гарет Саутгејт соопшти дека Рахим Стерлинг нема да биде во конкуренцијата за натпреварот против Црна Гора.
Стерлинг имаше недоразбирање со соиграчот Џо Гомес поради што е одлучено дека тој во четврток нема да биде во конкуренција за мечот против Црна Гора. Стерлинг и Гомес го продолжија недоразбирањето кое го започнаа во неделата на натпреварот помеѓу Ливерпул и Манчестер Сити.
Се започна со вербална расправија после навредите на Стерлиг кои беа упатени кон Гомес, но нивните соиграчи веднаш реагирале и спречиле некој поголем инцидент.
Саутгејт разговараше со целиот тим и одлучи дека Стерлинг нема да игра против Црна Гора и покрај тоа што моментално тој е најдобар играч во Англија. Стерлинг објасни што се случи на вчерашниот тренинг.
„Моментално сум во фаза кога емоциите се многу јаки после дербито и јас сум човек кој признава кога ќе ме совладаат тие работи. Џо Гомес и јас сме во добри односи и се разбираме. Тоа беше момент кој траеше 5-10 секунди. Моментално тоа е позади нас и ова нема да го направиме поголемо од тоа што е“, изјави Стерлинг.
