Тотенхем пронајде засилување од Реал Мадрид

Екипата на Тотенхем ќе добие засилување од Реал Мадрид.

Новиот играч на Спарс ќе стане лев бек Серхио Регилон, одличниот 23-годишник од мадридскиот тим.

Регилон играше фантастично во Севилја минатата сезона. Сепак, тоа не беше доволно за да му даде шанса на Зинедин Зидан во Реал и беше одлучено тој да биде продаден.

Манчестер Јунајтед покажа огромен интерес. Сепак, „црвените ѓаволи“ не сакаа да вклучат во договорот клаузула според која Реал може да го откупи во секој момент и зделката пропадна.

Тотенхем, пак, се согласи на сите услови. Регилон брзо се согласи со Спарс, а Реал од трансферот ќе заработи 30 милиони евра.

Трансферот ќе биде официјално потврден наскоро, а треба да се напомене дека Спарс преговараат и за позајмицата на Герет Бејл, и нема да биде изненадување ако Велшанецот заврши во Лондон до крајот на преодниот рок.