Виктор Ванијама замина во МЛС


Вака се слави гол во 120-та минута!!! ↓↓↓


Кенискиот фудбалер Виктор Ванијама го напушти Тотенхем и кариерата ја продолжи во МЛС лигата.

Тимот од Лондон го потврди заминувањето на 28-годишниот играч од средниот ред, а кариерата ќе ја продолжи во редовите на Монтреал Импакт, тим предводен од легендарниот Тиери Анри на клупата.

Ванијама го носеше дресот на Спарси претходните три и пол сезони. Тој пристигна од Саутемптон во летото 2016 година и одигра 97 натпревари на кои постигна седум гола.

Претходно, овој играч од средниот ред играше во Селтик, Саутемптон и белгиски Биршот.

Тој постигна седум гола за Кенија на 60 настапи.