Женската репрезентација на Македонија до 19 години го освои второто место на развојниот турнир на УЕФА во БИХ.
Македонската надежна селекција одигра 3 натпревари во Зеница и Вогошча и два пати победи, прво против Босна со 2:1, па против Црна Гора на пенали, а против Хрватска запишаа пораз од 2:0.
Илза Максути и Јана Чубриноска беа стрелци на погодоците за Македонија во победата против Босна, а натпреварот против црногорките заврши 1:1 во регуларниот дел, Јана Чубриноска го постигна погодок, а на пенали македонките славеа со 5:3.
Женската репрезентација на Македонија се подготвува за квалификациите за ЕП до 19 години од 18-ти до 23-ти октомври кои се организирани во Скопје, а противниците се Велс, Италија и Република Ирска.
