Тренерот на клубот од Мадрид, Зинедин Зидан има полни раце работа за да го среди нередот внатре во тимот кој го направија неговите претходници Солари и Лопетеги.
Реал одигра очајна сезона. Останаа без трофеи, играа многу слабо, а екипата ја водеа дури 3 тренери. Последниот, Зинедин Зидан доби голема задача, да го врати тимот на победничките стази.
Францускиот стручњак ќе добие дури 500 милиони евра за засилувања во тимот, но мора и да разреши со одредени фудбалери во тимот, меѓу кои има и некои големи звезди.
Герет Бејл е отпишан од Реал. На него повеќе не можат да сметаат, а според статиите на Мундо Депортиво, Зидан само после една сезона е спремен да се откаже од белгискиот голман Куртоа.
Без разлика на тоа што минатото лето на Челзи му беа исплатени 35 милиони фунти за Куртоа, тој сеуште не е по желба на Зидан. Тој е голем фан на Костариканецот Кејлор Навас и планира да му ја врати позицијата прв голман на тимот.
Тоа значи дека само после една година, Куртоа можно е да го напушти Реал во кој не се прослави и прими 42 голови за време на 32 натпревари за овој клуб. Од другата страна, Навас е клучниот човек во освојувањето на три последователни трофеи во Лигата на Шампионите и поради тоа Зидан нема намера да го исклучи од тимот.
Куртоа очигледно е дека ќе мора да бара нова средина, се шпекулира дека е можно да тргне во Париз, во ПСЖ итно им треба голман, а како идеално решение за тоа го гледаат Белгиецот.
