Второ коло во ЛШ: Најголемото дерби се игра во Лондон! ↓↓↓
Вечерва на програмата беа осум натпревари од второто коло во групната фаза во ЛШ.
Тотенхем славеше во Русија против ЦСКА минимално со 0:1, Сон Хеунг Мин го постигна победничкиот погодок за Спарс. Јувентус си поигра на Максимир против Динамо. Пјаниќ и Игуаин во првото полувреме ја затресија мрежата на хрватите, а Дибала зголеми на 0:3. Семпер со автоголот ги постигна конечните 0:4. На дербито на Вестфален, Борусија Дортмунд и Реал Мадрид одиграа, 2:2. Тоа беше спектакл за гледање. Прво Реал стигна до водство преку Роналдо, а до крајот на полувремето Обамејанг израмни. Варан повторно му донесе водство на Реал, а фантастичниот погодок на Шурле ја остави Борусија непоразена на домашен терен.
Копенхаген го декласираше Клуб Бриж со 4:0. Лестер ја запиша и втората победа во ЛШ, денес жртвата беше Порто кој беше совладан со погодокот на Слимани. Монако и Леверкузен ги поделија бодовите, 1:1. Бен Једер му донесе победа на Севиља против Лион. Спортинг лесно го совлада аутсајдерот Легија со 2:0. Бас Дост и Брајан Руиз беа стрелци во победата на португалскиот клуб.
