Во македонската суперлига се одиграа два натпревари денес.
Еурофарм Работник ја запиша втората победа по ред. Денес славеше на гостувањето во Прилеп со 19:25. Битолскиот клуб после првото полувреме имаше предност од 2 погодоци, 8:10. Гостите во вториот дел ја зголемија предноста и славеа со 19:25. Сергио Хенрике Монтеро Де Барос со 7 погодоци го предводеше Работник до победа. Мите Караиванов додаде 5 погодоци. Ѓорѓиевски Пеце и Теимураз со 6 погодоци беше најефикасни во тимот на Прилеп.
Радовиш лесно го совлада Вардар Јуниор, 31:25. Уште од старт Радовиш доминираше во овој натпревар. Првото полувреме домашните ракометари го добија со 16:11. Вториот тим на Вардар и второто полувреме го одигра слабо и беа поразени со 31:25. Кај Радовиш Игор Милосављевиќ со 9 погодоци беше најефикасен. Кукуловски Дејан со 5 погодоци најмногу се истакна во тимот на Вардар Јуниор.
