Поради тешка повреда играчот од средниот ред на Реал Мадрид, Тони Крос ќе го пропушти остатокот од 2016. година.
Крос заработи скршеница на коска во натпреварот против Леганес и тоа на самиот старт, а првите прогнози не беа толку лоши како што се сега. Крос помина низ две детални анализи и се установи дека нема да игра до крајот на јануари следната година.
Сепак, тоа не го уништи позитивниот дух на германскиот играч, тој веќе го најави неговото враќање и изјави дека веќе фудбалот му фали.
„Животот продолжува, не можеме ништо против тоа. Им благодарам на сите навивачи и на сите кои ми дадоа голема поддршка. Ќе се вратам подобар од порано“, изјави Крос.
Сепак, не е толку лошо за Реал поради тоа што конечно се опорави одличниот Лука Модриќ по повредата на коленото.
