Алжирскиот репрезентативец, Ријад Марез ова лето беше многу блиску до трансфер во екипата на Арсенал.
Англиските медиуми пренесуваа информации дека преговорите на Лестер и Арсенал се во тек, но на крајот до траснфер сепак не дојде. Причината за тоа ја октри Марез.
„Имаше контакт со Арсенал. Сепак, Лестер сакаше да ме задржи, а јас бев премногу скап за Арсенал, па поради мојата превисока цена пропадна целата приказна. Не сакав да правам никакви конфликти кога понудата стигна, но мислам дека е добро што вака се заврши. Сега на мене останува да продолжам да се докажувам“, изјави Марез.
Потсетуваме дека ова лето и екипата на Челси беше заинтересирана за Марез, но ни тие не успеаа да го доведат.
