Италијанскиот репрезентативец Леонардо Бонучи во последно време се наоѓа во центарот на вниманието поради скандалот кој го предизвика во Јувентус.
Имено, Бонучи од трибините го следеше мечот Порто и Јувентус бидејќи неколку дена пред тоа од натпреварот со Палермо имаше кавга со Масимилиано Алегри.
Јуве го казни Бонучи и го предупреди дека ова повторно не треба да се повторува.
Бонучи во составот се врати веќе во минатото коло кога Јуве го дочека Емполи, а за негово заминување на крајот на сезоната се повеќе се зборува.
Италијанските медиуми пренесоа денеска дека овој одбранбен играч е на мета на Челси и Реал Мадрид.
Сините веќе во јануари пробаа да го доведат Бонучи, но тој остана во Торино.
Сега во борбата се вклучи и Реал Мадрид, и Бонучи се наоѓа на слатки маки.
Јуве сака за овој играч 60 милиони евра, а на лето ќе дознаеме дали Челси и Реал Мадрид да плати толкав износ за Бонучи.
