На престануваат пофалбите за хрватскиот фудбалер после големата победа на Реал во градското дерби против Атлетико во саботата. Реал не можеше да смета на повредените Крос и Касемиро, но нивните отсуства беа надоместени со Модриќ и Ковачиќ и со помош на Иско.
И дури во Реал се навикнаа на фантастични натпревари на Модриќ, оваа сезона воодушевува и Матео Ковачиќ. АС објави за неговата трансформација од фудбалер кој пред една година беше на излезни врати од клубот, а сега е еден од главните.
Ковачиќ минатата сезона одигра 445 минути, а оваа одигра 972 минути, дупло повеќе. 11 од 18 натпревари ги почна како стартер, а минатата сезона почна 3 од 16 натпревари.
Шанса му отворија клучните фудбалери во средината на теренот кои беа повредени, Крос, Модриќ и Касемиро, а тој тоа одлично го искористи. Му се наметна на Зинедин Зидан кој го немаше во плановите кога беше доведен од Рафаел Бенитез.
Ковачиќ оваа сезона има 91.8% точни додавања, а и постигна погодок на гостувањето против Легија која го шокира Реал.
Хрватот има уште простор за напредување, има 22 години, а во споредба со Модриќ тој играше на 22 години во Динамо, а Касемиро беше на позајмица во Порто. Сега почна да го исполнува својот огромен потенцијал поради кој Реал плати 30 милиони евра.
