Новиот тренер на Фулам, Клаудио Раниери прифати навистина тешки предизвици, најпрво да ја извлече екипата од се подолгата серија на порази (седум по ред), а потоа до крајот на сезоната да се обиде да се избори за опстанок со овој тим.
Славиша Јокановиќ не успеа да пронајде решение за играта во одбраната, а тој проблем му останува на Раниери.
На тоа сега работи тој, посебно што Фулам од почетокот на сезоната прими убедливо најмногу голови (31).
Тоа го потврди и во изјава за Скај Спортс.
,,На нас италјанските тренери одбраната ни е најважен дел од тимот. Важно е да имаме права визија како ќе се браниме, не само како дефанзивци туку како цел тим. За мене тимскиот дух е многу важен, знам дека Фулам има добра екипа, но потребна е и борбеност”- порача Раниери.
Дали ќе успее?
Неговото деби на клупата на Фулам е после паузата во првенството против Саутемптон.
