Извршниот директор на Борусија Дортмунд, Ханс Јоаким Вацке изјави дека Томас Тухел во иднина би можел да го преземе Реал Мадрид.
Тухел ја презеде Борусија после заминувањето на Јирген Клоп и во својата прва сезона имаше одлични резултати. Клубот заврши на второто место и се врати во ЛШ, а дека неговиот начин на работа некој го следи потврди Јоаким Вацке.
„Имам одличен однос со Реал Мадрид и тврдам дека го следат Тухел. После првата сезона кај нас, Реал можеше да се види дека имаме вонсериски тренер. Флорентино Перез секогаш ме прашуваше за него, но знам дека им е на радарот“, изјави Вацке.
„Сепак, не сме загрижени дали ќе останиме без него иако го сака Реал. Тој има договор со нас и кај него е подруга ситуацијата отколку кај некој фудбалер кој има 28 или 29 години кој има уште две, три сезони во нозете. Млад тренер е и пред него уште 20 години кариера“, заврши Вацке.
