Марио Манџукиќ во Јувентус падна во втор план откако ова лето пристигна Гонзало Игуаин.
Хрватскиот репрезентативец оваа сезона во лигата беше стартер на само еден натпревар, а ваквиот статус резултираше со шпекулации дека би можел да ги следи стапите на бројните европски ѕвезди и да заврши во Кина.
За неговите услуги се заинтересирани два богати клубови од оваа земја, Шандонг Луненг и Шангај Шенхуа, но Јувентус ги одби сите милиони и порача дека немаат во план да го продадат играчот кој има посебен однос со Алегри.
Јувентус очигледно и понатаму верува во Манџукиќ, па 30-годишниот барем уште оваа сезона ќе остане во Торино.
