Иако ја однесе Србија на Светското првенство во Русија, Славољуб Муслин заработи отказ од селекторската позиција.
Моментално, вршител на должноста селектор е прославениот српски фудбалер Младен Крстајиќ кој според последните информации ќе ги предводи Србите и на Мундијалот во Русија.
Оваа вест ја пренесе српскиот весник „Новости“ откако пренесе дека Драган Стојковиќ Пикси и Вељко Пауновиќ ја одбиле понудата од фудбалскиот сојуз на Србија.
Крстајиќ беше предводник на Србија на пријателскиот натпревар против Кина кој нашите соседи го добија со 2:0.
