Продолжува традицијата.
До крајот на зимскиот преоден рок уште еден играч од Премиер лигата може да се пресели во Кина.
Како што пренесува Скај Спортс, напаѓачот на Вотфорд Одион Игало е многу блиску до трансфер во кинески Чонгчун Јатаи.
Наводно, кинескиот клуб е спремен да плати 20 милиони фунти за Нигериец, што Вотфорд не може да одбие.
Нигериецот е далеку од минатогодишната форма кога блескаше во дресот на „Стршлените“ и сега може да го напушти клубот.
Истотака, доаѓањето на Мбаје Нианг од Милан може да значи дека Валтер Мацари беше спремен да се откаже од еден напаѓач.
Игало и во летото беше на мета на поедини кинески клубови, но тогаш сакаше да остане во Премиер лигата.
Сега работите се свртија, поради тоа што не е повеќе добар како минатата година и нема понуди од други тимови ниту игра доволно добро во својот тим.
BREAKING: Sky sources: @WatfordFC agree £20m fee with Chinese club Changchun Yatai for striker Odion Ighalo. #SSNHQ
— Sky Sports News HQ (@SkySportsNewsHQ) January 30, 2017
