Пред дербито, падна најважниот потпис во Манчестер Сити! ↓↓↓
Легендарниот тренер на Милан, Ариго Саки пофално зборуваше за сегашниот стратег на Милан, Џенаро Гатузо, за кој вели дека успеал да го врати срушеното достоинство на славниот клуб и да го врати на стариот пат.
„Росонерите“ веќе не се губитнички тим, без оглед на тоа што објективно поседуваат квалитет за битка на врвот на табелата.
„Рино е феномен, тој на Милан му ја врати душата. Му го врати достоинството на тимот, кое беше изгубено, направите играчите да сфатат што значи да се биде во клуб како што е Милан. Рино е некој кој го даде својот живот за фудбалот и своите играчи“, истакна Саки.
На „Сан Сиро“ утре стигнува моќниот Јувентус, но никој не смее однапред да ја отпише екипата на Џенаро Гатузо.
„Јувентус има огромен потенцијал и играчи кои можат да го одлучат мечот во секој момент. Тука не мислиме само на Роналдо, туку и на Дибала, Квадрадо и Манџукиќ. Начин на кој може да се победи Јувентус е да се потисне далеку од голот. Тие се опасни и на 70 метри од голот, но таму многу повеќе се контролираат. Ако се доближат кон Донарума, тогаш ќе настанат проблеми“, вели Саки.
