Капитенот на репрезентацијата на Македонија постигна два гола во првиот претсезонски натпревар кој неговата Џеноа го одигра против нисколигашот Стубаитал.
Џеноа победи со убедливи 17:0, а Пандев погодоците ги постигна во 16. и 27. минута од натпреварот.
Талентираниот напаѓач Симеоне постигна дури седум погодоци на натпреварот, а по два пати во листата на стрелците покрај Пандев се запиша и Хилјемарк.
Пандев го продолжи договорот со Џеноа и во наредната сезона ќе го носи дресот со број 10.
