Пред дербито, падна најважниот потпис во Манчестер Сити! ↓↓↓
Семејството на поранешниот светски шампион Михаел Шумахер започна непрофитна иницијатива со порака „Продолжи да се бориш“.
„Продолжи да се бориш сака да ја сподели позитивната енергија која ја добиле Шумахер и неговото семејство. Сакаме да го прославиме ставот за продолжување на борбата и не откажувањето кое го инспирираше токму Михаел Шумахер. Иницијативата има голем број проекти во иднина.“
Шумахер на 29-ти декември 2013 година доживеа тешка несреќа во тек на скијање по која помина 6 месеци во кома. Откако беше префрлен на домашно лекување во Швајцарија малку се знаеше за неговата состојба, а од неговото семејство стигнуваат охрабрувања дека легендарниот Германец напредува, но и дека треба да се има во предвид повредата која ја доживеал.
„Ова е првиот чекор на движењето за кое се надеваме дека ќе направи нешто добро во иднина.“
„Наша намера е да ја прошириме вербата дека откажувањето не е опција, а тоа е порака која не се однесува само на мото спортот. На овој начин се надеваме дека овој страшен настан, ќе го трансформираме во нешто позитивно.“
„Иницијативата се сведува на храборст, надеж и вербата во самиот себеси.“
Сабина Кем исто така нагласи дека нови информации за состојбата на Шумахер нема да има наскоро.
„Состојбата на Шумахер не е јавна тема и поради тоа и понатаму нема да даваме коментари за тоа. Причина за тоа е тоа што сакаме да ја заштитиме неговата приватност.“
„Свесни сме дека некои луѓе тешко ќе го разберат ова, но постапуваме така како што Михаел сака и единствено може да се заблагодариме на тие кои разбираат.“
„Михаел од секогаш ја заштитуваше својата приватност, дури и во најуспешниот дел од својата кариера. Секогаш ставаше јасна линија помеѓу приватниот и јавниот живот.“
