Уругвајскиот напаѓач од редовите на ПСЖ, Единсон Кавани призна дека на почетокот на сезоната имал конфликт со Нејмар.
Се исплива на површина кога на еден натпревар Кавани и Нејмар се скараа кој да го изведе пеналот за тимот. Од ПСЖ секако негираа се, но Кавани сега одлучи да проговори што се случувало.
„Нејмар е ѕвезда, а јас не сум. Јас сум како коњ на фарма, работам на теренот и надвор од него за да дојдам до некое ниво и да заработам плата. Тоа му го кажав и на Нејмар“- коментираше Кавани.
Кавани изјави дека по конфликтот со бразилската ѕвезда му кажал дека мора да се насочат кон тимот затоа што тој е на првото место.
