Второ коло во ЛШ: Најголемото дерби се игра во Лондон! ↓↓↓
Луис Суарез се потсети на неверојатниот натпревар против Рома во четвртфиналето на Лигата на шампиони (ЛШ), кој Барселона го загуби со 3-0 и неочекувано беше елиминирана.
Каталонците имаа предност од 4-1 од првиот дуел и требаше да ја зачуваат разликата, но на крајот се случи токму спротивното.
Суарез има интересна теорија за причините за дебаклот, а станува збор за натпреварот со Легањес, кој беше одигран три дена претходно.
„Многу жалам за натпреварот против Легањес, кој го одигравме дома. Имавме голема предност на табелата, а требаше да се пресметаме со Рома за три дена, но и покрај тоа, јас го одиграв цел натпревар. Потоа натпреварот со Римјаните го почнавме изморени. Свесни сме за тоа и ќе ни биде големо искуство за во иднина“, кажа Суарез.
