Денес во Нион беше извршена ждрепката на полуфиналните парови од Лигата на Европа.
Ждрепката сакаше во полуфиналето да се сретнат двата најголеми фаворити за освојување на натпреварувањето, Арсенал и Атлетико Мадрид.
„Топчиите“ ќе бидат домаќини на првата полуфинална средба, додека една недела подоцна ќе се игра реваншот на „Ванда Метрополитано“.
Вториот полуфинален пар го сочинуваат Олимпик Марсеј и Салцбург, а прв домаќин ќе биде францускиот претставник.
Првите средби на програмата се закажани за 26 април, додека реванш натпреварите ќе се играат на 3 мај.
