Овие денови владее голема тага во Лестер, откако во падот на хеликоптерот на клубот загина претседателот на екипата, Вичај Шриваданапраба, а вчера фудбалерите му дадоа чест пред стадионот.
По дуелот помеѓу Лестер и Вест хем, кој се играше во саботата се урна хеликоптерот на газдата по што загинаа тој и уште четири лица кои биле на леталото.
Ова ептен ги погоди фудбалери и навивачите, зашто Вичај беше најзаслужен за трофејот во Премиерлигата на Лестер.
Фудбалерите и семејството вчера беа пред стадионот и се забележуваше дека сите се вознемирени, а оваа смрт најмногу ги погоди Џејми Варди и Каспер Шмајхел.
Дуелот против Саутемптон во Карабао Купот нема да се игра, а можеби ќе се одложи и натпреварот против Кардиф во Премиерлигата.
Управата на Премиерлигата соопшти дека ќе ја почитува одлуката на фудбалерите на Лестер за тоа дали ќе го играат мечот.
