Анде Јанков - македонски автор: Тајните на пишување добар крими роман!? ↓↓↓
Реал Мадрид не ја почна баш најдобро оваа сезона, а после три сјајни години се очекуваше пад во формата на кралскиот клуб.
Трократниот првак во Европа на крајот на минатата сезона остана без своите најголеми надежи, Зинедин Зидан и Кристијано Роналдо што очигледно жестоко ја потресе екипата.
Претседателот на клубот Флорентино Перез одлучи за нов тренер да го именува Јулен Лопетеги, но после неколку грешки оваа сезона веќе се зборува дека тој ќе добие отказ.
Ситуацијата во кралскиот клуб не е баш идеална и наводно Перез има се помалку трпение. Сепак навивачите за овие случувања го обвинуваат и него бидејќи во летниот преоден рок не донесе адекватна замена за Роналдо, а во овие натпревари се покажа колку Португалецот и значеше на оваа екипа.
Меѓутоа шпанските медиуми пренесуваат дека Перез спремил вистинска офанзива за јануарскиот преоден рок однсно дека сака да направи два спектакуларни трансфери. Како што пренесува угледната Марка прв на листата на желби на претседателот на кралевите веќе подолго време е Еден Азар и за него спремаат понуда која Челзи нема да може да ја одбие.
Исто така , Перез сака да го засили и самиот напад бидејќи не е задоволен со она што го дава Карим Бензема.
Претседателот на Реал фрлил око и на Хари Кејн и сигурно се ќе направи за да го донесе напаѓачот на Тотенхем во своите редови.
Но дали ќе успее да ги оствари своите планови веќе во јануарскиот преоден рок останува да видиме.
