Пред дербито, падна најважниот потпис во Манчестер Сити! ↓↓↓
Селекторот на репрезентацијата на Македонија, Игор Ангеловски на денешната прес конференција во пресрет на утрешниот натпревар со Ерменија истакна дека ќе одат на победа на натпреварот во Ереван и дека Европското првенство се уште е многу далеку.
Ангеловски потенцираше дека тактичката поставеност и играчите на Ерменија ни се доста познати и дека подготвени ќе истрчаме против нашиот следен ривал.
“Ние се подготвуваме за утрешниот натпревар, но знаеме дека Ерменците се добар национален тим. По поразот од Гибралтар веројатно ќе бидат лути да реагираат против нашата селекција. Многу далеку е Европското првенство и не мислиме на таа шанса. Во главата ни е само утрешниот натпревар и можноста да извојуваме позитивен резултат. Сите фудбалери се здрави и спремни и тоа ме радува. Нема да го потцениме противникот, верувам дека ќе бидат лути и мотивирани утревечер. Ова не е натпревар со ривалите во нашата група, туку со сите останати. Мора да размислуваме како да е 0-0 и да имаме ист број на бодови со Ерменија. Само така можеме да извадиме максимум. Не смееме да ги потцениме, тоа би било погубно. Играчите и тактичката поставеност ни се познати, ќе одговориме на било која нивна формација”, изјави селекторот Игор Ангеловски на официјалната прес конференција пред натпреварот со Ерменија.
Капитенот Горан Пандев пак изјави дека Ерменија е квалитетна селекција, но дека е добро анализирана.
“Ерменија располага со квалитетна селекција, знаевме од стартот дека тие ни се најголем ривал во групата. Имаме веќе три победи, но одлично се подготвуваме и верувам дека ќе дадеме максимум за нова победа. Добро ја анализиравме Ерменија, ја видовме на првиот натпревар во Скопје. Тогаш добро се подготвивме и заслужено славевме”, додаде капитенот Горан Пандев.
Селекцијата на Македонија после пресот денеска тренира во ‘Републикан Стадиум’ во Ереван каде утре со почеток од 18:00 часот се игра натпреварот од четвртото коло на Лига на Нации помеѓу Ерменија и Македонија.
