Репрезентацијата на Аргентина вечерва игра решавачки натпревар во групната фаза на Светското првенство во Русија.
По два кола, Аргентина има само еден освоен бод, а мора да ја победи Нигерија во следниот дуел и притоа да очекува кикс на Исланд против Хрватска.
Ситуацијата во Аргентина не е добра, а веќе со денови се шпекулира дека Хорхе Сампаоли е само формално селектор, додека составот за Нигерија ќе го бираат играчите.
Притисокот на Аргентинците е голем од самиот почеток, зашто во нивната земја сè освен освојување на Мундијалот е голем неуспех. Пред Меси и останатите вечерва е голем предизвик, а медиумите утринава објавија можна формација на нивната репрезентација.
Наводно, Аргентина ќе игра во формација 4-3-3 и нема да експериментира многу.
Очекуван состав на Аргентина е: Армани, Меркадо, Отаменди, Фацио, Рохо, Билја, Банега, Маскерано, Ди Марија, Агуеро и Меси.
