Иако се мислеше дека ќе помине неказнето, челниците на Јувентус сепак се одлучија да го казнат Леонардо Бонучи.
Бонучи во текот на натпреварот против Палермо викаше и го навредуваше тренерот Алегри, а дека таквите работи не ги толерираат во торинскиот клуб сведочи и информацијата која ја објави Тутоспорт.
Како што наведува овој италијански медиум, Бјанконерите презеле мерки и парично го казнија Бонучи поради недолично однесување.
Во Јувентус не сакале да поминат преку жестоките зборови кои летале на теренот и поради тоа се одлучиле за казна, со цел да спречат такви ситуации во иднина да станат вообичаени.
Играчот и тренерот се смирија после расправијата и вниманието на екипата сега максимално е насочено во натпреварот против Порто во ЛШ.
