Бранеше на сите натпревари за Манчестер Јунајтед во САД, но по враќањето во Европа си најде нов клуб

Младиот и перспективен чувар на мрежата на Манчестер Јунајтед, Жоел Кастро Переира се приклучи на португалскиот тим Виториа Сетубал на едногодишна позајмица.

22 годишниот фудбалер беше стандарден на подготовките на Манчестер Јунајтед во САД, а по враќањето во Европа веднаш летна за Португалија каде потпиша договор со тимот каде би требало да биде прв избор меѓу стативите.

Тренерот на Манчестер Јунајтед, Жозе Мурињо го посочува Переира како еден од најталентираните млади голмани во светот, но со Давид Де Геа во тимот тешко дека ќе добие поголема шанса за докажување.

Токму затоа, барем засега Переира ќе биде испраќан на позајмици за да стекне повеќе искуство во сениорска конкуренција. Досега младиот голман има три официјални настапи за клубот од „Олд Трафорд“.