Вчера ги „нокаутираше“ Аргентинците, а сега е пред голем трансфер во Англија!?

Тренерот на Тотнем, Маурисио Покетино покажа интерес за фудбалерот на Ајнтрахт Франкфурт, Анте Ребиќ.

Хрватот е во центар на внимание по маестралниот погодок на натпреварот против Аргентина, во кој неговата селекција беше доминантна и го победи ривалот со 3-0.

Тотнем и претходно беше заинтересиран за Ребиќ, но тогаш Фиорентина испрати подобра понуда и го купи, а сега Англичаните ќе се обидат да бидат поуспешни од претходниот пат.

Германците не би имале ништо против за да го продадат, но за минимална цена од 26 милиони фунти, за да ги вратат вложените пари во напаѓачот.