Анде Јанков - македонски автор: Тајните на пишување добар крими роман!? ↓↓↓
Фудбалерите на Милан синоќа беа поразени на гостувањето кај Реал Мадрид со 3-1 во пријателски натпревар пред почетокот на новата сезона.
„Росонерите“ наредниот викенд ги почнуваат возбудувањата во Серија А, а за екипата на Џенаро Гатузо натпреварот против Реал бил вистински тест.
Италијанскиот тренер по мечот призна дека во неговата екипа има многу работи за поправка, но дека е задоволен со моменталната состојба и верува дека Милан ќе биде подобар од минатата сезона.
„Минатата сезона наш најголем проблем беше тоа што се обидовме да играме атрактивен фудбал, а немавме никакви резултати и сега жалиме поради тоа и јасно е дека мора да го поправиме тоа. Не смееме да дозволуваме да примиме гол пред крај на полувреме и дуелот. Јувентус е многу пред нас, но верувам дека сме на вистински пат кон враќање на врвот“, кажа Гатузо.
