Анде Јанков - македонски автор: Тајните на пишување добар крими роман!? ↓↓↓
„Плавите“ на „Стемфорд Бриџ“ ќе играат против Нотингем од 16 часот, а судејќи по се ова ќе биде последен меч за Цеск Фабрегас во дресот на лондонскиот клуб. Англиските медиуми пренесуваат дека Фабрегас следната недеа сигурно ќе го напушти Челси и дека кариерата ќе ја продолжи во Франција.
Шпанецот во досегашниот дел од сезоната не беше стандарден колку што се очекуваше, и беше јасно дека веќе во јануари би можел да побара нов клуб. Челси имаше неколку понуди од Италија за Фабрегас, а најмногу се поврзуваше со Милан.
Меѓутоа, пред неколку дека се појавија шпекулации дека Фабрегас заминува во Монако кој се бори за опстанок во Франција. Скај Спорт пренесува дека тука се е договорено, и дека Фабрегас денес ќе се прости од навивачите на Челси.
Неговиот нов тим до крајот на следната недела ќе стане француски Монако, а Шпанецот со Кнежевите ќе потпише договор на две и пол години.
Договорот на Фабрегас со Челси истекува следното лето. Клубот ќе се обиде барем нешто да заработи на неговиот трансфер, но не е познато колку пари ќе инкасираат „Плавите“.
Сепак, Цеск секако ќе има причина за задоволство бидејќи за потписот ќе добие 10 милиони евра бонус, а сигурно ќе има и добра плата во новиот клуб.
Монако во битката за потпис на фантастичниот играч за врска ги победи Милан и Арсенал, а Фабрегас ќе го напушти Челси по четири и пол години. Пред Челси, Фабрегас играше три години во Барселона од каде во 2011. година пристигна од редовите на Арсенал каде пак мина осум години.
