По Серж Ганбри, Баерн Минхен денес го официјализираше своето ново засилување.
Станува збор за одличниот 22 годишен француски интернационалец Корентин Толисо кој доаѓа од редовите на Лион и со „Баварците“ потпиша петгодишен договор.
Играчот од средниот ред имаше неверојатна сезона во редовите на Лион постигнувајќи 14 погодоци и запишувајќи седум асистенции зад своето име.
„Поминав неверојатно време во Лион и сум многу благодарен за тоа. Сега сум задоволен што ќе бидам во еден од најдобрите тимови во светот. Си постигнав високи цели за во Баерн Минхен. Ова е феноменален ден за мене.“- изјави Толисо по потпишувањето на договорот.
