Пред дербито, падна најважниот потпис во Манчестер Сити! ↓↓↓
Легендарниот Аргентинец планира да мине некое време во Манчестер за да учи од најдобриот.
Едно од најголемите тренерски ривалства на денешницата е она ривалство помеѓу Жозе Мурињо и Пеп Гвардиола.
Во последно време, Шпанецот има повеќе успеси, ја освои титулата во Премиер лигата во доминантен манир изминатата сезона, оваа повторно е на чело на табелата и неодамна неговите „Граѓани“ лесно славеа во дербито против „Ѓаволите“ на Мурињо.
Португалецот неретко е критикуван поради партиите на Манчестер Јунајтед, како и слабите резултати оваа сезона, додека на Гвардиола многумина му го додаваат приедесталот како голем револуционер и еден од најдобрите во својата работа на сите времиња.
„За мене Мурињо е најдобар. Би му дал заслуга на Пеп за тоа што го искористи залетот кој му го даде Јохан Кројф. Повеќе пати сум кажал, Гвардиола не го измисли тик-так. Тоа го направи „Флако“ Кројф. Во овој момент, Пеп има можност да го одбере кој играч и да го посака. Така работата е полесна“, истакна Марадона.
Легендарниот Аргентинец моментално го предводи мексиканскиот второлигаш, Дорадос, а се верува дека се уште има простор за напредок.
Запрашан дали би сакал да работи во Шпанија, Марадона изјави дека би сакал, но само во случај да е долгорочен проект во прашање, но и тој пред се сака да замине во Манчестер каде ќе може да учи од Мурињо.
„Јас како тренер морам да научам уште многу и мислам дека ќе заминам во Манчестер кај Мурињо и ќе го прашам многу работи. Бидејќи тој без сомнеж е најдобар“, додаде Аргентинецот.
