Анде Јанков - македонски автор: Тајните на пишување добар крими роман!? ↓↓↓
Милан конечно прекина серија од четири натпревари без победа и постигнат гол, откако славеше против СПАЛ со 2-1, со голот на Гонзало Игуаин.
Аргентинецот овој погодок реши да го посвети на тренерот Џенаро Гатузо, кој се наоѓа пред отказ од тренерската клупа на „росонерите“.
„Многу важен гол за уште поважни три бода, по работите кои ги пропуштивме во претходниот период. Но, сега може да се одмориме со семејствата. Навивачите треба да очекуваат повеќе од мене, зашто дојдов убеден во проектот и сакам така да продолжам. Овој гол го посветувам на Гатузо, кој секогаш ме поддржуваше“, вели Игуаин.
Аргентинецот пристигна летоска од Јувентус, а нема постигнато гол на претходните девет натпревари. Инаку, ова му е вкупно осми гол сезонава на 20 натпревари во сите натпреварувања.
