Анде Јанков - македонски автор: Тајните на пишување добар крими роман!? ↓↓↓
Аргентинскиот напаѓач Емилијано Сала трагично почина на 21 јануари кога се урна авионот во кој патуваше од Нант кон Кардиф.
Потрагата по него траеше долго време, а на крајот истражувачите го пронајдоа неговото тело во урнатиот авион во Ламанш. Додека телото на пилотот Дејвид Иботсон уште не е пронајдено.
Сала неодамна беше погребан во Аргентина, а Нант и Кардиф на емотивен начин му оддадоа почит.
Истрагата за несреќата е во тек и уште не се познати многу работи, но од Кардиф покажаа загриженост и порачаа дека се сомневаат дека пилотот имал дозвола за лет со авионот.
„Завршен е дел од истражувањето за несреќата на Сала и падот на авионот. Загрижени сме за вистинските податоци на лиценцата која ја имал пилотот и постои сомнеж дека таа била легитимна“, соопштија од клубот.
Семејството на пилотот Иботсон го осуди одва соопштение и порача дека е рано да се донесуваат такви заклучоци. Тие се надеваат дека ќе го пронајдат пилотот, па сами собраа финансиски средства за истрагата.
Да потсетиме, Сала со одличните настапи во дресот на Нант привлече големо внимание на клубовите, а на крајот го избра Кардиф.
Трупот на авионот се наоѓа на дното на морето и тие се надеваат дека ќе биде извлечено за да им помогне на истражувачите за да го откријат проблемот и причината за рушењето на леталото.
