Фудбалерот на Вотфорд, Мауро Зарате ќе отсуствува долго време од терените затоа што го повреди предниот вкрстен лигамент на натпреварот со Вест Хем.
29-годишниот играч со носилки беше изнесен надвор од теренот.
Зарате на Инстаграм објави дека прегледите покажале дека лигаментот му е скинат на коленото и дека најверојатно ќе паузира долго време.
За таквите повреди, рехабилитацијата обично трае 6 месеци. Меѓутоа, тој би можел да биде и подолго време надвор од терените ако прави операција.
„На се ова му пристапувам со цела своја сила, ќе се вратам посилен од претходно.“
Вотфорд е на 12-то место во ПЛ, а до крајот на сезоната има 12 кола.
