Шанса да станеш YouTuber! Приклучи се! ↓↓↓
Реал Мадрид почна да игра подобро под водство на привремениот тренер Сантијаго Солари, а поради тоа претседателот Флорентино Перез сака да ангажира дополнителни засилувања за екипата во јануари.
„Марка“ пишува дека Реал Мадрид е заинтересиран за фудбалерот на Еспањол, Марио Хермосо, 23-годишниот дефанзивец кој неодамна доби повик од селекторот Луис Енрике во шпанската репрезентација.
Инаку, Хермосо е дете на Реал, откако помина девет години во клупската академија пред да се пресели во Еспањол.
Екипата од Барселона е вистински хит сезонава, откако се наоѓаат на второ место веднаш зад градскиот ривал.
Наводно, трансферот би чинел „само“ 7,5 милиони евра, а на сопственикот на Еспањол му требаат пари за да ги подмири долговите на клубот, па очигледно сè зависи од „кралскиот клуб“.
