Милорад Мажиќ ќе го суди финалето во Лигата на шампиони!

Српскиот судија ќе ја води средбата во финалето на Лигата на шампиони, во која на 26. мај, во Киев играат Реал Мадрид и Ливерпул.

Европската фудбалска федерација покажа голема доверба и ќе му даде право да го води најважниот меч во елитното фудбалско натпреварување.

Мажиќ на Олимпискиот стадион во Киев ќе биде придружуван од неговите колеги Далибор Џурџевиќ и МИлован Ристиќ.

Четврти судија ќе биде Клемон Турпан од Франција. Инаку, Мазиќ сезонава судеше четири меча во Лигата на шампиони и два во Лигата на Европа, а ќе суди и на СП во Русија.